დარიალის ხეობაში ახალი სამონასტრო კომპლექსის მშენებლობა
შ.პ.ს. „სახელმწიფო სამშენებლო კომპანიამ" მონაწილეობა მიიღო საქართველოს რეგიონალური განვითარებისა და ინფრასტრუქტურის სამინისტროსა და საქართველოს საპატრიარქოს ერთობლივი პროექტის - ,,საქართველო ხვალ" ფარგლებში, დარიალის ხეობაში მდებარე სამონასტრო კომპლექსის მშენებლობაში.
დარიალის წმინდა მიქაელ და გაბრიელ მთავარანგელოზების სახელობის მამათა მონასტერში კომპანიამ მშენებლობის შიდა და გარე კეთილმოწყობის სამუშაოები ჩაატარა; ეკლესიაში ელექტრომომარაგებისა და გათბობის ქსელები დამონტაჟდა; დაიკიდა ჭაღები და სარკმელები; ქვის ფილებით მოპირკეთდა ტაძრის იატაკი; დამზადდა და დამონტაჟდა ეკლესიაში შესასვლელი ხის მხატვრული კარები; ტაძრის გუმბათზე კი, მოოქროვილი სამმეტრიანი ჯვარი დაიდგა.
სამონასტრო კომპლექსის ეზოში აშენდა სამრეკლო, სადაც დაიკიდა ზარები.