საქართველოს მუნიციპალური განვითარების ფონდის დაფინანსებითა და შ.პ.ს. „ზიმოს" დაკვეთით, შ.პ.ს. „სახელმწიფო სამშენებლო კომპანიამ" იძულებით გადაადგილებულ პირთათვის ქალაქ ბათუმში 11 თანამედროვე ტიპის ოთხსართულიანი კორპუსი ააშენა.

სახლების კეთილმოწყობის მიზნით, განხორციელდა შემდეგი სამუშაოები: თითოეულ ბინაში დაიგო ლამინირებული იატაკი; დამონტაჟდა კარ-ფანჯრები, რკინის კარები, წყლის გამაცხელებელი ავზები, გაზქურები და ჭაღები. შესრულდა კორპუსების ელექტრო და გაზმომარაგებით, სასმელი წყლითა და საკანალიზაციო ქსელებით უზრუნველყოფის სამუშაოები. 

პროექტის ფარგლებში, საცხოვრებელი სახლების მიმდებარე ტერიტორიაზე აშენდა სპორტული მოედანი, ბავშვებისათვის - გასართობი სკვერი ატრაქციონებით და დასასვენებელი ბაღი, სადაც კომპანიამ 500 ხე დარგო. უბნის შიდა გზებზე მოეწყო ასფალტ-ბეტონის საფარი, ასევე, დაიგო უბანთან მისასვლელი გზა და მოეწყო ავტოსადგომები.