დუისი-ჯოყოლოს გზის მშენებლობა პანკისის ხეობაში
პროექტი: შპს „სახელმწიფო სამშენებლო კომაპნია“-მ დაასრულა პანკისის ხეობაში, ახმეტის მუნიციპალიტეტში, შიდასახელმწიფოებრივი მნიშვნელობის ახმეტა-ბაწარას ნაკრძალის საავტომობილო გზის კმ15-კმ19-ზე (სოფლები დუისი და ჯოყოლო) სამშენებლო-სარეაბილიტაციო სამუშაოები.
სამუშაოების შედეგად გზის ის მონაკვეთები, რომლის სავალი ნაწილის სიგანე 4,5 მეტრია, 6 მეტრამდე გაფართოვდა; გზის გასწვრივ ორივე მხარეს ძირითადად დასახლებულ მონაკვეთში მოეწყო რკინა-ბეტონის კიუვეტები; დაუსახლებელ ადგილებში გაიჭრა გრუნტის კიუვეტები; ეზოში შესასვლელებთან მიერთებებსა და ორგანიზაციების შესასვლელების ნაწილთან მოეწყო ფოლადის მილები; შესასვლელები და მიერთებების გარკვეული მონაკვეთები დაიფარა ასფალტ-ბეტონის საფარით; მოეწყო მოასფალტებული საფეხმავლო ბილიკი; შესრულდა საგზაო მონიშვნის სამუშაოები, დამონტაჟდა საგზაო ნიშნები, მიმმართველი ბოძკინტები და ლითონის მრუდეხაზოვანი ძელები.
აღნიშნული სამუშაოები განხორციელდა საქართველოს საავტომობილო გზების დეპარტამენტთან გაფორმებული ხელშეკრულების საფუძველზე.
დაფინანსება: პროექტის სახელშეკრულებო ღირებულება 1 507 770 ლარს შეადგენს.
დასაქმებულთა რაოდენობა: სამუშაოებზე დასაქმდა 90 ადამიანი.
შედეგი: ძველი გზა აფერხებდა ტრანსპორტის მოძრაობას და საფრთხეს უქმნიდა ფეხით მოსიარულეებს, რადგან ამ სოფლებში არ არსებობდა ტროტუარები და საფეხმავლო ბილიკები. განხორციელებული სამუშოების შედეგად, გზაზე გადაადგილება უსაფრთხო და კომფორტული გახდა.